Bucardo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bucardo
Estato de conservación
Vulnerables.
Clasificación scientifica
Dominio: Eukaryota Reino: Animalia Filo: Chordata Clase: Mammalia Orden: Artiodactyla Familia: Bovidae Subfamilia: Caprinae
Especies
Chenero Ammotragus: Ammotragus lervia Chenero Capra: Capra aegagrus C. a. aegagrus C. a. blythi C. a. chialtanensis C. a. creticus C. a. hircus (a craba domestica) C. a. turcmenica Capra caucasica Capra cylindricornis Capra falconeri C. f. heptnerni C. f. chialtanensis C. f. megaceros C. f. jerdoni Capra ibex Capra nubiana Capra pyrenaica C. p. hispanica C. p. lusitanica C. p. pyrenaica C. p. victoriae Capra sibirica C. s. alaiana C. s. hagenbecki C. s. hemalayanus C. s. sakeen C. s. sibirica Capra walie Chenero Hemitragus: Hemitragus jemlahicus Chenero Pseudois Pseudois nayaur Pseudois schaeferi

Se'n diz bucardos d'un conchunto d'especies de mamiferos herbivoros d'a familia d'es bovidos, subfamilia d'es caprins, y d'ixa traza parients salvaches d'a craba domestica. En cheneral, ista palabra fa referencia ent'as especies es masclos d'as cuals tienen cuernos grans y destacables, y también una estructura corporal robusta. Animals d'estructuras mes gracils poderían ser clamatos crabas simplament.

Bucardo ye, en orichen, una palabra peyorativa (con sufixo -ardo^[1]), ta ixes animals, significando cosa como "mals bucos" u "bucoz", en contraposición ent'es bucos d'a craba domestica (Capra aegagrus hircus).

En es pireneus hi heba habito una subespecie d'o bucardo iberico, concretament a Capra pyrenaica pyrenaica, que heba vivito dende Chirona enta Navarra y per ixo en contacto con es territorios de fabla aragonesa. Alavez, cuan ixe animal estiore agosant-se en o cillo de la extinción, a fins d'o sieglo XX, es medios de comunicación espanyols emprenciparon a fer marchar a palabra aragonesa bucardo ta designar ixa subespecie en concreto, fendo que muta chent arredol d'o país se penseba que yera o nombre común exclusivament ta clamar-ne d'ixe animal. Ista situación ha plegato a desplazar o significato regular d'a palabra incluso en l'aragonés, a on "bucardo" ye, per propio, cualsiquier craba salvachina d'ixas caracteristicas descritas. Ye fácil que en tiempos d'antis, también se'n decís bucardos d'as bestias cabrunas d'altras montanyas d'Aragón, como en as sierras de Teruel, a on encara huei en bi ha y que no están pas de la variedat pirenenca extincta. Por textos notarials de l'aria de Castellot se sape que a la subespecie Capra pyrenaica hispanica, que se cazaba a sobén, li diciban Craba salvachina encara en o sieglo XV.

Es cheneros y especies que poderían ser clamatos bucardos son:

• Chenero Ammotragus:
  • Ammotragus lervia
• Chenero Capra:
  • Capra aegagrus
    • C. a. aegagrus
    • C. a. blythi
    • C. a. chialtanensis
    • C. a. creticus
    • C. a. hircus (a craba domestica)
    • C. a. turcmenica
  • Capra caucasica
  • Capra cylindricornis
  • Capra falconeri
    • C. f. heptnerni
    • C. f. chialtanensis
    • C. f. megaceros
    • C. f. jerdoni
  • Capra ibex
  • Capra nubiana
  • Capra pyrenaica
    • C. p. hispanica
    • C. p. lusitanica
    • C. p. pyrenaica
    • C. p. victoriae
  • Capra sibirica
    • C. s. alaiana
    • C. s. hagenbecki
    • C. s. hemalayanus
    • C. s. sakeen
    • C. s. sibirica
  • Capra walie
• Chenero Hemitragus:
  • Hemitragus jemlahicus
• Chenero Pseudois
  • Pseudois nayaur
  • Pseudois schaeferi

1. ↑ KUHN, Alwin: El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6 pp 217-218.